Raggi risi ríður húsum
Risinn lætur móðan mása


fimmtudagur, febrúar 23  

London 3.vers

föstudagur
Ekki er hægt að segja að dagurinn hafi verið tekinn snemma. Sofið fram yfir hádegi eftir skark undanfarinnar nætur. Vöknuðum sælir og glaðir og töldum það þjóðþrifaverk að fá okkur öl í hádegismat. Héldum síðan á Oxford street og skoðuðum okkur þar um fram eftir degi og enduðum auðvitað á öldurhúsi og drukkum versta bjór sem ég hef á ævinni smakkað. Um kveldið, ansi mörgum öllurum síðar var ástandið orðið ansi skakkt. Brugðum okkur þó í sparifötin og fórum fínt út að borða. Snæddum nautasteik á fínu veitingahúsi. Er nálgaðist miðnáttu var hringt í bílstjórann frá kvöldinu áður og hann skutlaði okkur á sportpöbb þar er við stöldruðum stutt við og fórum í Soho og vonuðumst eftir svipuðu ævintýri og kveldið áður. Vorum rétt komnir í hverfið er að okkur kom aðvífandi ungur drengur er spurði hvort við vildum sjá "some naked girls" Við játtum því og töldum okkur vera á leið á strípistað. Hann leiddi okkur hinsvegar inní húsasund að heimahúsi og alla leið inn í uppábúið svefnherbergi þar er beið okkar afar fáklædd dama og færði hún okkur tilboð á silfurfati, "30p for fuck and 40 for blowjob and fuck" okkur rak í rogastans, enda prísinn ekki hár. Litum hvor á annan og vorum hvumsa, sögðumst bara koma aftur daginn eftir. to be continued...

posted by Ragnar | 21:13



fimmtudagur, febrúar 16  

London 2.vers

Aðfararnótt 10.feb.. framhald

Það tók örskamma stund að finna súlustað enda slíkir staðir á öðru hverju strái þar um slóðir. Þar tók á móti okkur feitur svartur rastafa gaur með síða dredda og urðum við hans bestu vinir um leið og við sögðumst vera frá Íslandi. Hann tók okkur upp á sína arma og vildi allt fyrir okkur gera, sem átti svo eftir að reynast heldur betur vel síðar. Glenntum sjónir okkar á nokkrar á nokkrar vel strípaðar gellur í góðan tíma eða þar til okkur var farið að leiðast þófið og okkur farið að langa í meira!! Spurðum því rastafa gaurinn hvort hann vissi um stað er við gætum fengið að gera eitthvað meira en bara horfa. Hann gekk með okkur út fyrir og benti okkur þar á mann er sat í bíl sínum og sagði okkur að hann myndi redda okkur, sem hann og gerði. Sá ágæti bílstjóri átti eftir að reynast okkur vel því hann rúntaði með okkur í heillangan tíma og fór m.a.s sjáfur inn í verslun til að versla fyrir okkur bús. Keyrði okkur svo í saklausa íbúðargötu í miðri London í fallegt hús. Skemmst frá því að segja að það sem eftir lifði nætur er einhver eftirminnilegasta nótt sem ég hef upplifað. Engar frekari útskýringar á því þó. Lesendum er bent á að geta í eyðurnar. Áfram Brasilía!!!!!

posted by Ragnar | 20:26

 

London. 1. vers

Nú eru liðnir nokkrir dagar frá því við skriðum heim frá Englandi og frá mörgu að segja. Í stuttu máli sagt þá var þessi ferð hrein snilld frá upphafi til enda. Sökum þess hve mikið dreif á daga okkar þessa helgi og erfitt frá að segja í stuttu máli mun ég birta einn dag í einu af ferðasögunni.


Fimmtudagur 9.feb.

Dagurinn var tekinn snemma og við komnir til Reykjavíkur á hádegi þar sem ég þurfti að skilja bílinn eftir í Heklu til smá lagfæringar. Eftir að hafa snætt málsverð og rennt niður fyrsta bjórnum var haldið á flugvöllinn undir dyggri bílstjórn Jóa Waage. Þar sem við vorum komnir snemma á völlinn þótti okkur tilvalið að skella í okkur úr nokkrum krúsum. Einnig skelltum við í okkur 2 í vélinni á leið út. Vorum því orðnir vel mjúkir er lent var á London Stansted flugvellinum. Það rann þó snögglega af okkur því við tók rúmlega klukkustundar lestaferðir og um hálftíma labb á hótelið. Gekk frekar erfiðlega að finna þá bölvuðu kitru sem reyndist svo vera hinn versti kofi þegar inn var komið. Veggfóðrið hékk utan á veggjunum í herberginu okkar og raki og saggi var við loft og gólf. Ekkert sjónvarp né útvarp var þar inni og prísuðum við okkur sæla með að klósettið virkaði.
Eftir stutta viðlegu í herbergiskitrunni var ákveðið að bregða undir sig betri fætinum og taka leigubíl í Soho sem ku vera alræmt fyrir sína sóðalegu bjór og gálumenningu. Þar lentum við á fínum stað sem seldi fínan mjöð er rann afar ljúft niður og voru teigaðir þar ansi margar kollurnar. Náðum því að verða vel hífaðir og ná upp góðri stemmingu. Því var ákveðið að söðla um og finna stað er geumdi súlr og viltar meyjar. to be continued...

posted by Ragnar | 20:21



þriðjudagur, febrúar 7  

Alveg Lun-dúnaður

Þá líður að því að ég heimsæki stóra Ben og aðra félaga í Saxlandi. Tæpir 2 dagar til stefnu. Fljúgum út á fimmtudaginn kl 15:50. Mikil tilhlökkun, svo mikil að maður er orðinn eins og kornarbarn að bíða eftir jólunum. Mun þo halda héðan úr nesinu fyrir hádegi á brottfarardaginn. Þarf að fara með bílinn í Heklu í smávegis lagfæringu. Waage nokkur Jóhann mun svo skutla okkur úr Sollinum útá völl. Konni mun svo njóta þess að keyra um á skódavíu um helgina og ætlar hann að auki að sýna þá einstöku eðalmennsku að ná í okkur á völlinn á sunnudagskveld.
Gaman að segja frá því að ég hef hafið störf í nýju vinnunni. Hef mætt nokkrum sinnum og tekið skurk í bókhaldinu. Sat m.a allan laugardaginn og vann í því að skrifa út reikninga fyrir síðasta mánuð. Er þó ekki enn laus af Esso og er því í tveimur vinnum þessa dagana og óvíst hvenar ég losna þaðan. Annars gaman að vita til þess að maður var seldur í morgun. Bílanaust og fleiri aðilar keyptu Olíufélagið með húð og hári, hurðum og gluggum og öllu klabbinu. Svolítið asnaleg tímasetning þykir mér. Kaupendur hefðu mátt bíða þar til ég er hættur, þá hefðu þeir líklega þurft að punga út minni fjárhæð fyrir kompaníið. Segin saga að ég er ansi dýr biti

Annars bara London Calling og next train to London og allt það

posted by Ragnar | 21:58

gamalt taut
tenglar
Gestbook
Teljari